Penzija über alles

25.01.2012, Kolumne

Autor: RADAR Foto: ilustracija

Ak se ovak nastavi vu Hrvackoj budu vu penziju išli nakon osmogodišnje škole. Već sad penzionera mlađe i srednje dobi, ima tulko da im se broja ne zna.

I Ivek je otišel. Makar mu je samo 46. I on vu penziju kaj je pišeju povlaštena. Ali ne na jen dan. Zauvek. Da mu se najde. Kajti mu more biti. Penzija od 8900 kuni, žive vage. Ni badava drmel i prodaval maglu vu parlamentu nekaj let. Pa ve more imati ono kaj većina običnih smrtnikov nemre ni vu ludilu. Makar delali 45 let kak marva, puni staž, vu dve smene. Ali kaj se tu more.

I drugi su kak i on, samo zeli ono na kaj po jeb... zakonima ove države zeti moreju. A zakoni se trebaju poštivati. Pa makar bili za povlaštene. Bez razlike kaj je ve nova vlast malo zrezala povlaštenim penzionerima krila. A vu Hrvackoj kaj se penzionera tiče slika je tužna i jadna. Za večinu njih kaj jedva s crkavicom penzijom živiju i zraka dišiju. Zna se da ima više penzionera, svih vrsta i namjena, nek onih kaj delaju.

I da Hrvacka postaje penzionerska država. Veliju da bu Njemačka i Francuska tek za 40 let imala tulko penzionerov kak mi danas. A ni za sto let, ziher, ne budu imali tak puno junge penzionerov, kak mi vu Hrvackoj, kaj su tek vu penziji vu pubertet zašli i počeli se brijati.