Kučanski koščičjak autohtono je jelo kučanskoga i zbelavskoga kraja, a da se ne otrgne zaboravu već se godinama brine Udruga Hajdina.

Predsjednica te Udruge Ruža Levatić u ovo se blagdansko vrijeme prisjetila kako je nekada izgledao Badnjak u Kučanima i Zbelavi te nam poslala tekst na kajkavskom narječju o koščičjaku, koji se tradicionalno povezuje s Badnjakom i Božićem.

Tekst prenosimo u cijelosti, a naslovljen je s „Negdašji Badjak v Kočenima i na Zbeljavi“.

To ide ovak – kaj bu koščičjak za Božič na stolu je nojpredi bilo jeno malo črno zrno i treba je bilo skorom cielo leto fest delati.

Posle ječma kočenski seljok je njivu preorav i hitiv po zemlji čudaj takovih zrn. Posejav je hajdinu i meren i zadovolen otišev dimo. Hajdina je fletno znikla i po polju se resprestrlo čudaj malih zelenih srčekov. To su lepi svetlozeleni listeki  prekrili črnu zemlju.

Hajdina je fletno rosla i taki se je osula z lepemi belemi i roskastimi cveteki, a japek su ju hodili nagleduvat kak kakšnu lepu frojlu.

Dok su drugi put došli hajdina je več bila ober kolena, a cveteki su se tu i tam prevrgli v isto unakvo črno zrno kakšno je seljok vu zemlju hitiv. Stabeljki pak su su se tak lepo črleneli kak da je sonce zašlo spot  na polje hajdine.

Kočenci su stori košari. Dok se v kesnu jesen pokosi, posuši, i zrje opkuha i opet posuši, i f stopi spoka i zljušči od trde črne luske, i spoše i fčini, i tak den za denom, den za denom, skorum  do Božiča. A Za Božič već bu kočenska košarica s kašom nekaj prevurila i nekaj penes zaslužila…

F peči je lepo gorelo, a uni su sedeli na stolčeku kre peči. Vuni prše sneg, a japek i dale f svoji glovi vidiju belo hajdinsko pole, mesto snega, i stopu, i f stopi zrulenu hajdinu koja, friška, diši. Ijoj kak diši.

Japek su se zlecali i otprli oči. Komaj su došli k sebi i zmislili se da je denes Badjak. Nikoga neje bilo f kuhji, ali je na stolu dišav friško pečeni koščičjak. Nesu japek znali kaj bole diši – friška hajdina, koščice od tikve, črno koščično olje ili pak zlotno pečeni lukec. Znali su japek da su babica se to deli f kočenski koščičjak. Cela hiža je dišala.

A kak i ne bi. Badjak je, a to je skorom jedino vreme dok je Kočenec bogoti – koščic kuljiko očeš i ko zno koja pra ili šukun šukun babica se je domislila s tej finih koščic napraviti koščičjak. Kak i ne bi kad su Kočenci od navek bili košari, a Badjak dosta veliki svetek kaj se reskeralo tuljiko skopuga i finoga zrnjiča. Nese je to moglo prevoščiti baš saki den. Ali baš saki Badjak koččičjak je biv na zbljevskom i kočenskom stolu.

Včuknuv si je japek faloček i poskrivečke ga pojev. Znav je da bu ga jengova Jolža špotala kaj je oskvrnuv još netekjeni cimplet koščičjaka, ali neje mogev znati da bu jenguv vnuk 2013. lete zaštitiv kočenski koščičjak kakti intelektualno vlasništvo udruge koja se je zvola baš po najvekši moki i najvekšemu veselju jenoga dedeka: „Hajdina“.

I tak je bilo jeno črno hajdinsko zrno, jeden dedek i jedna babica i saki Badjak pekli su koščičjak. Se razme, živeli s f Kočenu. Kočenci se nedaju pak den denes za Badjak pečeju koščičjak na ftruc komercijaliezeranomu i bleščečemu Božiću kakof je denes moderni.

Komentari

Komentara